YANGA VS GEITA GOLD, MAMBO SITA YALIYOIKWAMISHA YANGA

Yanga imepata ushindi wa bao 1-0 dhidi ya Geita Gold katika mchezo wa Ligi Kuu Bara uliochezwa leo kwenye dimba la  KMC Complex, jijini Dar es Salaam. Bao pekee la mchezo huo likifungwa na Oumar Comara dakika ya 55, lakini ushindi huo haukuja sambamba na kiwango kile ambacho Yanga ilitarajiwa kukionyesha mbele ya Geita Gold

Katika vipindi vya tofautitofauti vya mcezo huo, Yanga ilionekana kutawala mchezo kwa kumiliki mpira na kusukuma mashambulizi kuelekea lango la Geita Gold. Ingawa utawala huo haukuzaa nafasi nyingi za wazi kama ambavyo Yanga ingetaka, Geita Gold ilijibu kwa mashambulizi yake kila ilipopata nafasi. Ulinzi wao uliifanya Yanga kutumia nguvu zaidi kutafuta mianya.

Kiwango cha Yanga ndicho kinachoweza kuingia kwenye orodha ya mambo yaliyoiweka kwenye wakati mgumu. Timu ilidhibiti sehemu kubwa ya mchezo, lakini haikuwa na ufanisi wa kutosha katika eneo la mwisho. Hilo lilifanya Yanga itawale mpira bila kuweza kuutafsiri utawala huo kuwa nafasi nyingi za kufunga.

Stephane Aziz Ki naye aliacha alama kubwa kwenye mchezo baada ya kuonyeshwa kadi nyekundu, tukio linalomaanisha kuwa hatakuwepo katika mchezo unaofuata ambao ni Kariakoo Derby dhidi ya Simba. Derby hiyo itakuwa kwenye uwanja wa Major General Isamuhyo hivyo kutokuwepo kwa Aziz Ki kunaweza kuwa pengo kwa Yanga kutokana na nafasi yake katika mpangilio wa timu.

Maxi Nzengeli ameibuka kuwa Man of the Match katika mchezo huu. Licha ya kiwango cha Yanga kwa ujumla hakikuwa katika kiwango cha juu, jambo linalofanya tuzo hiyo isiwe sababu ya kufunika picha halisi ya namna timu ilivyocheza dhidi ya Geita Gold.

Clement Mzize pia alipata nafasi ya kurejea kwenye kikosi baada ya kukaa nje kwa muda mrefu kutokana na jeraha. Alionyesha nguvu na harakati zake uwanjani, lakini bado hajaonekana kufikia kiwango chake cha kawaida. Kwa mchezaji aliyekuwa nje kwa muda mrefu, kurejea taratibu na kupata dakika za ushindani kunaweza kuwa sehemu muhimu ya kurejesha makali yake.

Yanga imeondoka na pointi tatu, lakini mchezo huu umeonyesha maeneo ambayo yanahitaji maboresho kabla ya michezo mikubwa ijayo. Udhibiti wa mpira ulikuwepo, lakini ufanisi katika mashambulizi, kiwango cha jumla cha timu na kukosekana kwa Aziz Ki kwenye mchezo unaofuata ni miongoni mwa mambo yanayoifanya ushindi huu uwe na sura tofauti na ushindi wa kawaida.