Amara Nallo Ajiunga HJK Helsinki Kwa mkopo akitokea Liverpool FC

Liverpool imemruhusu beki wake kijana Amara Nallo kujiunga na HJK Helsinki ya Finland kwa mkopo, hatua inayolenga kumpa nafasi zaidi ya kucheza na kuendelea kukuza kiwango chake.

Nallo, mwenye umri wa miaka 19, alijiunga na mfumo wa vijana wa Liverpool mwaka 2023 akitokea West Ham United na tayari ameichezea timu ya kwanza mechi tatu.

Katika kipindi chake cha mkopo, ataichezea HJK Helsinki inayoshiriki Ligi Kuu ya Finland (Veikkausliiga), huku pia ikiwa kwenye hatua za mchujo za kufuzu UEFA Europa Conference League.

Mkopo huo unampa Nallo fursa ya kupata uzoefu wa ushindani wa kiwango cha juu kabla ya kurejea Liverpool kwa hatua inayofuata ya maendeleo yake.